Confusión e morte de María Balteira: É un libro con diversas historias, pero todas teñen como protagonista un ser fantástico ou da tradición popular galega. Son contos moi entretidos porque hai moita variedade nos temas dos contos.

Autora: Marica Docampo.

Ed. Baía.

O cidadán do mes

 

O cidadán do mes:  O punto de partida de  O cidadán do mes é o electrizante encontro entre o detective Horacio Dopico e Sonia Bouzas, unha escultural e voluptuosa muller que busca o seu marido, un vixilante nocturno desaparecido misteriosamente.

 

Autor: Diego Ameixeiras.

Ed. Xerais

Futuro imperfecto

Futuro imperfecto aborda unha historia nunca contada a xeito na literatura galega, a dos anos da droga como espello libertario dunha xeración, a da autora, que sentiu o alustro dun novo tempo, no transo da ditadura a unha aira aberta onde todo era posíbel e todo estaba por facer. Eses mozos e mozas sofreron ademais, en primeira persoa, os primeiros e máis dramáticos envites do VIH. Apandaron co peor, o oprobio social, a vergoña, o descoñecemento da doenza, a experimentación nos tratamentos…

Autora: Xulia Alonso Díaz. Ed. Xerais

A filla do ladrón de bicicletas

 A filla do ladrón de bicicletas conta a historia dunha nena, Serafina, que é filla dun ladrón de bicicletas e que por diversas circunstancias vive coa súa tía, dona Perfecta. A súa máxima aspiración é ser equilibrista nun circo con Celerífera, a bicicleta, e cara a iso van enfocados todos os seus esforzos, aos que non serán alleos nin a axuda do vello Elías nin as dificultades que lle ocasionan a panda de Martiño o Bravo.

Autora: Teresa González Costa. Ed. Xerais, Col. Merlín.

Ilustrador: Jacobo Fernández Serrano.

A chamada da selva

 Autor: Jack London. Ed. Xerais.

A chamada da selva é a historia destes homes, desta epopeia vivida no espello da aventura dun can, Buck, que tras catro anos de cómodo vagar na granxa do xuíz. Miller, preto de San Francisco, ten que comezar unha vida rexida pola lei do vergallo e da loita pola existencia para, ó cabo, senti-la chamada do atávico, o achegamento ó lobo, o seu irmán salvaxe que ha cantar co seu ouveo a canción do mundo primitivo.

Pepa a Loba

O relato Pepa a Loba, de Carlos G. Reigosa, é unha fotografía literaria da muller que ca súa traxectoria vital ten reflectidas moitas das características fundamentais da idiosincracia galega.

A persoa coñecida como Pepa a Loba é, ao marxe doutras consideracións, unha das máis representativas da rebeldía ácrata e, ao tempo, do individualismo do que sempre fixeron gala moitos galegos. Agora, grazas ao traballo dun xornalista da vella escola (a dos que falan das cousas reais), Pepa a Loba ten unha novela biográfica de marcada raigame histórica (Ambientada no s. XIX).

Cando petan na porta pola noite

 Autor: Xabier P. Docampo. Ed. Xerais

Catro relatos de misterio que Docampo adica ós seu pais, dos que di que foron grandes contadores de contos. Son historias que cando as lemos, parece que as estamos escoitando, o cal fai que o noso medo vaia en aumento e ademais poden facer lembrarnos os nosos medos que criamos especiais: aquela carballeira chea de sombras, o vento que abanea os salgueiros, a neve que nos chamaba a andar e ía borrando as nosas pisadas co risco de perdernos, a brétema que non nos deixa enxergar que seres se ocultan...

Alúa.com

Título: Alúa.com. Autora: Care Santos Editorial: edebé
Non son un efecto óptico, nin unha prótese, nin a consecuencia avultada dun puñazo. Mido uns tres centímetros máis có nariz máis grande que visedes nunca. Mon son chato nin remangado, nin teño ningunha desas gracias que a xente adoita levar no nariz. De helénico, nin o hache. Igual ca de aquilino, para a miña desgracia, ¡Que triste! Como vedes, son tan ancho e alleo, que tan longo que de min pódense dicir moitas cousas e sen esgota-las ¡deas. Por iso me enfado de verdade se alguén se limita a chamarme narizotas, sen máis. Non señor, para falar de min hai que demostrar imaxinación e refinamento

Os Megatoxos e a cara oculta da lúa (4)

Autor: Anxo Fariña. Ed. Xerais.

Outra volta, pois, aventuras do grupo, afectado polos efectos da flor do toxo, cuxos membros nesta ocasión loitan a dúas bandas: contra o mal que se propaga polo seu instituto e asemade contra a tiranía dunha raíña que quere dominar o mundo. Males que acontecen simultaneamente e que engadirán unha transformación no carácter de Lúa e así farán máis difícil e perigoso acadar o final desexado.

Os Megatoxos e os Templarios da luz (3).

Autor: Anxo Fariña. Ed. A Nosa Terra.

Para Ruxe, Ninfa, Lúa e Faísca, a vida non volverá a ser igual despois dos recentes acontecementos vividos. Algo tan inocente como unha viaxe de estudos coa clase vai transformarse, grazas a intervención dos xemelgos Ezbel e Exeria, nun inesperado pesadelo.
Os Megatoxos descubrirán que as redes dos misteriosos Templarios da Luz esténdense a todos os niveis e que, para a súa desgraza, están máis ligados á súa existencia do que lles gustaría aceptar.
Uns descubrimentos que realizarán no pasado, no medio da Revolución Industrial en París, a cidade das luces. Alí terán que facer fronte a unha decisión na que, nun lado da balanza estará un ser querido e no outro, unha cidade enteira. Elixan o que elixan, o futuro non volverá a ser o mesmo.

Os Megatoxos e a espada esmeralda (2).

Autor: Anxo Fariña . Ed. A Nosa Terra

Ruxe, Lúa, Faísca e Ninfa están a vivir un curso escolar do máis emocionante. tras desenvolver por accidente estraños poderes, un milleiro de problemas comezan a xurdir nas súas vidas.
Na procura dunha solución para a súa mutación xenética, viaxarán desta vez ao medievo, onde atoparán un antigo e misterioso mosteiro no que nada é o que parece.
Nesta nova aventura, os Megatoxos deberán medir a súa intelixencia e valor entre códices medievais, nunha biblioteca chea de enigmas e perigos, situación que porá en xogo a súa amizade.

Os Megatoxos e o aprendiz de druída (1).

Autor: Anxo Fariña
Cando Ruxe, Faísca, Ninfa e Lúa comezan este curso, apenas se coñecen. Mais un incidente inesperado fará que as súas vidas cambien para sempre. Decataranse de que teñen máis cousas en común que asistiren á mesma escola, e máis preocupacións que entregaren a tempo os traballos de clase.
Estraños poderes, aventuras e misteriosos encontros. todo isto mesturado nunha viaxe polo tempo, na procura de respostas, na terra dos seus antergos... os celtas. 

Os irmáns Corazón de León

Título: Os irmáns Corazón de León.
Autor: Astrid Lindgren. Editorial:XeraisKarlos está enfermo e sabe que vai morrer, pero quen morre antes é o seu irmán máis vello, Ionatán, ó intentar salvalo dun incendio. O dous volverán atoparse en Nangoisllala, o paraíso, a onde voan todos os que morren. Alí todo é perfecto, non hai enfermidades e vívense aventuras sorprenden-tes. Pero Nangoisllala está baixo a ameaza do demoniaco Téngoil, contra o que terán que loitar para salvarse. Astrid Lindgren consegue retratar a morte e a soidade como parte natural da vida, mesturando no mesmo relato realidade e fantasía con absoluta normalidade.
http://www.astridlindgren.se/index_1024.htm