Toma esta chave.
Abre os meus beizos
peto non raches
o meu silencio.
Abre os meus labios,
tes moito tempo.
Ti ben coñeces
a voz do vento.
Faino con calma.
faino con xeito.
Quero vivir
nun beixo eterno.
Antonio García Teijeiro.
Frechas de amor lanza o arqueiro
no asalto amoroso
cupido da estratexia.
Inicia presto unha persecución.
Colle a amante por sorpresa
-abandonado locus ameno-
cunha flamante mirada
déixaa abrasada de amor.
Lanza unha frecha certeira
que a fere no corazón.
Aguerrido na conquista
firme na loita de amor
entra en combate amoroso
corpo a corpo.
Rolan
galgan
nun ceremonial de sangue
e paixón.
Prisioneira
demasiada amante
cede en éxtase
e cae rendida de amor.
Crava o puñal
ritual de amor e morte
arte de guerra.
Inspiración de Clausewich.
María Xosé Queizán
A estas alturas nada colle nun poema,
todo semella tan acho
que soborda
a cousa ruín dunha palabra.
A estas alturas
nada colle nun poema porque desencadeas,
amor,
a vida aberta fóra do papel.
Daniel Salgado
Quérote como as chourizas
ben feitas,
docemente
pero cun aquel de picante.
Raúl Gómez Pato
ben feitas,
docemente
pero cun aquel de picante.
Raúl Gómez Pato
Ningún comentario:
Publicar un comentario