TERBUTALINA: "Muinheira de costa"

 TERBUTALINA: "Muinheira de costa"

Esta banda volve cun LP de dez coplas de rock’n’roll no que a banda vai dende o punk ao pop e dende o rock ata a música tradicional galega. Gravado e producido nos estudios “A Ponte” por Tomás Ageitos, trátase dun traballo no que os de Esteiro nos transportan á Costa da Morte, ao son atlántico con coplas cheas de retranca e do que xa temos dous adiantos, "Marisco Barato" e "Muinheira de Costa", dispoñibles en Spotify. O disco sairá en outono:

 LETRA: 

Eu canto cando quero 

Cando non quero non canto 

Para os que quero aínda canto e para os que non non canto tanto 

Cántolle ao demo, cántolle ao espírito santo 

se non tes ninguén que che cante 

eu cántoche encantado 

Cántolle aos amores 

Os amores que non falten 

Temos de cantar, de bailar, os amores que non falten

Pequecha biografía:  banda de Esteiro (Muros), paseou o seu rock'n'roll por festivais como o Son Do Camiño, Fuzzville, Son Rías Baixas… lugares nos que compartiron cartel con nomes como Siniestro Total ou Manu Chao.

 

No 2014 conseguiron o "Premio a Mellor Álbum en Galego" nos "Premios da Música Independente" co seu disco A MUERTE.

 

No 2015 lanzan AL OTOMANO SE LE VA LA MANO, gravado por Tomás Ageitos nos estudios “A Ponte” e masterizado por Jim Diamond ( The White Stripes, The Sonics…).

 

Coa súa colaboración coa compañía teatral Chévere na obra “Eroski-Paraíso” conseguen o “Premio María Casares 2017” á “Mellor Música Orixinal”.

 

Fonte: https://www.terbutalina.net/