17 outubro 2018

A banda da loba, "Pepa"

A banda da loba: Andrea e Marcela Porto, Inés Mirás, Estela Rodríguez e Lastra tomaron para o grupo o nome da mítica bandoleira galega, apenas coñecida, que no século XIX "era temida polos ricos e polos curas. Fálase moito de Robin Hood, pero nós temos a Pepa a Loba, unha muller independente, que o pasou mal na vida e tivo a forza de saír adiante. Queremos ser o símil de Pepa no mundo da música", explica a vocalista da banda. 
A marcada personalidade da Banda da Loba tamén se identifica nas cancións de "Bailando as rúas", onde hai unha exaltación da poesía, vinculada á música. Os poemas de Rosalía Fernández Rial e Celia Parra, así como Celso Emilio Ferreiro, poñen letra a algunhas das súas cancións. Guadi Galego e Tanxugueiras participan tamén neste traballo, as últimas no tema "Pepa", que compuxo Lastra, onde se conta a historia desta histórica muller galega: "Bebín de diferentes fontes porque as historias sobre Pepa son distintas". A letra está envolta nun marcado estilo folk, pois "ao ser de aquí, era o estilo que máis lle pegaba".
 
 

Ningún comentario: