09 novembro 2019

Infamia de Ledicia Costas

TÍTULO: Infamia.

 AUTORA: Ledicia Costas.

EDITORIAL: Xerais

SIPNOSE:

Emma Cruz é avogada e profesora de Dereito Penal. Trasládase a Merlo para impartir clases na Universidade, sen saber que ese lugar está marcado pola desgraza. A súa chegada coincide co 25 aniversario da desaparición das irmás Giraud, dúas nenas ás que semella que tragou a terra. Emma axiña descubrirá que os habitantes de Merlo gardan segredos inconfesables, algúns deles imposibles de dixerir. Que foi das irmás Giraud? Están mortas? Se é así, quen as asasinou? Onde están agochados os seus corpos?Infamia é un thriller psicolóxico onde nada é o que parece. Unha novela de ritmo vibrante que agarra o lector e o conduce aos sumidoiros da condición humana. Unha historia de amor, odio e loucura. Fiel á súa escrita, Ledicia Costas é quen de explorar o máis recóndito da alma humana ofrecéndonos unha novela poderosa e adictiva.

1 comentario:

Paula Pato dixo...

Esta obra de Ledicia Costas é unha desas historias que te engancha dende un principio e que non te solta ata que chegas ata o final dos acontecementos. Nela nárranse os pasos que vai seguindo Emma dende que chega a Merlo e empeza a traballar como profesora de Dereito Penal ata que se descobre da man de Lucas (un policía de Merlo, fillo do Inspector) o que ocorreu 25 anos antes nunha casa abandonada que hai na aldea.
Persoalmente, gustoume bastante ler esta obra porque me mantivo sempre expectante do que ía pasando e con ganas de saber como continuaba o fío dos acontecementos.
Ademais creo que é un libro moi recomendable para a xente á que lle gusten as novelas policíacas xa que a temática principal desta é a investigación duns crimes que sucederon no pasado.
Por último, desta obra gustaríame destacar as descricións que fai dos ambientes nos que se desenvolve a historia porque segundo vas lendo podes imaxinar case á perfección como son os escenarios nos que están ocorrendo cada un dos acontecementos.