aRi[t]mar 2021

 aRi[t]mar 2021: Mellores cancións de 2020

 https://aritmar.gal/edicion-2021/

GALIZA                                              PORTUGAL

Mellor canción:                                  Mellor canción:                                    

Cólico de Guadi Galego                            Quase Dança de Cláudia Pascoal 

Santiago de Compostela, 22 de marzo de 2021.- Os máis de cinco mil votos do público emitidos no certame aRi[t]mar galiza e portugal promovido pola Escola Oficial de Idiomas de Santiago de Compostela determinaron que as gañadoras polo mellor tema musical publicado na Galiza e en Portugal en 2020 son, respectivamente, Guadi Galego, con Cólico e Cláudia Pascoal, con Quase Dança. Estes premios, xunto cos de poesía, e o do embaixada da amizade, entregaranse a artistas e poetas gañadores na Gala aRi[t]mar 2021 en outono.

Os seguintes temas máis votados, nos segundos postos, foron os de Xoana (GZ) por Anceios e Outras Línguas, de Bárbara Tinoco; e os terceiros Os D’Abaixo (GZ) por Pasei pola túa porta e Miguel Araújo (PT) con A Incrível História de Gabriela de Jesus.

aRi[t]mar galiza e portugal é un proxecto didáctico-cultural, desenvolvido inicialmente pola Escola Oficial de Idiomas de Santiago de Compostela, pertencente á Consellería de Cultura, Educación e Ordenación Universitaria da Xunta de Galicia, que ten por obxectivo divulgarmos a música e a poesía galego-portuguesas actuais, e achegarmos a cultura e a lingua dos dous países, no marco do desenvolvemento da Lei Valentín Paz-Andrade para o aproveitamento do ensino do portugués e vínculos coa lusofonía. 

Máis información:  https://aritmar.gal/proxecto/