TÍTULO: Guernica . AUTOR:  Heliane Bernard

TRADUTORA: : Emma Lázare Rodríguez
 ILUSTRADOR: Olivier Charpentier
 Ed Kalandraka Editora.

RESEÑA:  Cun plantexamento cronolóxico, esta obra desgrana os episodios que conduciron á materialización dunha das obras da Arte Contemporánea máis famosas de todos os tempos, Entre malo e xuño de 1937, o pintor Pablo Picasso plasma toda a rabia, a impotencia e a dor que Ile causa o bombardeo sobre Guernica.
O mural foi un encargo para representar a España na Exposición Universal de París, pero converteuse nun símbolo da libertade, unha metáfora sobre o drama humano, o despropósito político e a antesala da debacle posterior, co estourido da II Guerra Mundial.
Heliane Bernard asómase á vida persoal do artista malagueño e repasa os feitos dende varios puntos de vista: aborda o complexo contexto histórico, métese na pel das vítimas da violencia, empatiza con aqueles que -como Picasso- asisten aos acontecementos dende a distancia e proxecta a conmoción que Ile causa tanta destrucción. As ilustracións de Olivier Charpentier, de trazos sobrios e audaces, xogan co simbolismo cromático: o vermello e o negro do sangre e da morte apodéranse do universo azul do pintor, dominando o seu impulso creativo. O álbum contén un anexo con máis información sobre a historia de España na década de 1930 e unha biografía de Pablo Picasso que percorre a súa etapa parisina, a súa evolución artística e a súa obra máis universal; Heliane Bernard analiza os personaxes, elementos e composición do "Guernica" para que os lectores reflexionen sobre o seu significado: a crueza extrema dos conflictos bélicos, un berro contra a senrazón, un lenzo comprometido, que actualmente se pode visitar no Museo Nacional Centro de Arte Reina Sofía, de Madrid.
FONTE: http://culturagalega.gal/lg3/novidade.php?Cod_prdccn=1274

Amani de Miguel Anxo Prado

TÍTULO: Amani.
Autor: Miguel Anxo Prado.
Editorial: Retranca editora.
Álbum ilustrado
Un hipopótamo que nace con déficit de tostesterona e iso facilita que sexa un animal pacifista, que non sente a necesidade de atacar nin de realizar ningún "postureo" diante da súa manda porque el é quen de vivir ao seu aire sen necesidade de amolar a ninguén. Así, procura unha charca para el porque non é rival nin inimigo, el tan só quere ser feliz e ter amizade con todos os animais que o rodean.

Un libro fermosísimo que prende sorrisos e fai cavilar.

 FONTE: https://trafegandoronseis.blogspot.com/

 

 O AUTOR: Se cadra ser competitivos, ver os nosos compañeiros como rivais e sentirmos na obriga de demostrar todo o tempo que somos os mellores non sexa o mellor xeito de tentar ser felices e axudar aos outros na súa arela de selo. Amani, un hipopótamo cachazudo, busca nas beiras do río Pantikora o mellor modo de ser feliz sen amolar aos demais.

https://www.miguelanxoprado.com/gl/obra/ilustracion/amani-2