25 novembro 2011

Futuro imperfecto

Futuro imperfecto aborda unha historia nunca contada a xeito na literatura galega, a dos anos da droga como espello libertario dunha xeración, a da autora, que sentiu o alustro dun novo tempo, no transo da ditadura a unha aira aberta onde todo era posíbel e todo estaba por facer. Eses mozos e mozas sofreron ademais, en primeira persoa, os primeiros e máis dramáticos envites do VIH. Apandaron co peor, o oprobio social, a vergoña, o descoñecemento da doenza, a experimentación nos tratamentos…

Autora: Xulia Alonso Díaz. Ed. Xerais

1 comentario:

Eva 1º BACH dixo...

Futuro imperfecto é un libro dramático, profundo e impresionante... O libro é moito máis que unha historia impactante de como a droga marcou a vida dunha persoa e do seu compañeiro, é unha carta de amor onde o marabilloso e o terrible se mesturan na narración dunha vida. A min o libro gustoume moito, xa que aprendes e reflexionas á vez que o vas lendo. Recomendaríalle este libro a adolescentes a partir de 4º da ESO, é dicir, a partir dos 15-16 anos, xa que é a partir desa idade cando se empeza a ter certa curiosidade polo mundo da droga.