Autor: Pedro FeijooEditorial: Xerais
Simón Varela é un mediocre arquitecto residente en Vigo. Un día recibe
unha chamada dunha señora da alta sociedade viguesa, Isabel Llobet, para
que lle faga unha reforma nunha fonte da súa propiedade, nun pazo de
Canido. Aos poucos días de comezar a reforma, Simón atopa un cofre
pechado. Simultaneamente, a señora, xa maior, morre en estrañas
circunstancias. A partir de aquí, o arquitecto vese involucrado nunha
intrigante trama na que tamén parece estar envolta a familia da muller
morta.Novela de aventuras, novela de intriga, escrita con ton
humorístico, a acción de Os fillos do mar condúcenos detalladamente a
través do Vigo de hoxe, cidade que en boa medida protagoniza tamén a
novela. Ao tempo, a trama cóbrese cun atractivo pano histórico que nos
conduce ata 1702, na Batalla de Rande, aínda que deixa tamén os seus
elos na Guerra Civil española e nos tempos do nazismo alemán.Os fillos
do mar é unha novela trepidante, que viaxa constantemente no tempo para
atopar as claves dun presente que o protagonista precisa desvelar.
1 comentario:
Eu lin " Os Fillos do Mar" .Un libro cargado de acción e intriga, escrito cun ton humorístico aportado por parte do protagonista, Simón.
O que máis me gustou do libro foi como relacionou a Guerra Civíl española coa Alemaña nazi e os galeóns españois afundidos en Rande. É unha moi boa historia que chama a tua atención dende o minuto un.
Por outra banda, non me agradou moito que o autor dera tantos datos históricos pois baixo a miña opinión fan a novela moi pesada.
Persoalmente eu recomendo a todo a mundo este libro, porque vailles gustar tanto coma a min, e o final sorprenderalles.
E teño que engadir, que xa enganchei a alguén máis, que está seguindo a aventura de Simón e Mariña con moita emoción.
Publicar un comentario