O grupo norteamericano Da Terra Meiga emprende o "Galician Mini Tour",
con paradas no Café Cultural Auriense (Ourense) a quinta 9 de xaneiro,
na sala Filomatic (Coruña) a sexta 10 e no Patio da Tola, na aldea de
Vieiros (O Courel) o sábado 11.
¡Pra Habana! de Rosalía de Castro cantada por Da Terra Meiga, un grupo de New Mexico
Malia viren de Nuevo México, ademais de en inglés, cantan en galego. A
razón é sinxela: a emigración. A vocalista, Laura G. Cruz, e o
guitarrista, Rubén Cortiñas Ares, son da Coruña, aínda que levan tempo
en Alburquerque. "Estarmos lonxe da casa, a morriña, fixo espertar o
noso interese na música galega", conta Cortiñas.
Para alén dos galegos, a banda conta con membros de Nuevo México e
Nueva Jersey. Da Terra Meiga emprende esta primeira xira fóra dos
Estados Unidos de América na Galiza porque querían que os demais "se
enchoupasen da nosa cultura", explica Cortiñas.
Ningún comentario:
Publicar un comentario